Shumë gra përjetojnë “bluazën e bebes” pas lindjes. Nëse keni “bluazën e bebes”, mund të keni ndryshime humori, të ndiheni e trishtuar, e shqetësuar ose e mbingarkuar, të keni periudha vajimi, të humbni oreks ose të keni vështirësi në gjumë. “Bluaza e bebes” zakonisht kalon brenda disa ditësh ose një jave. Simptomat nuk janë të rënda dhe nuk kanë nevojë për trajtim.
Simptomat e depresionit pas lindjes zgjasin më gjatë dhe janë më të rënda. Gjithashtu mund të ndiheni e pashpresë dhe e pavlerë dhe të humbni interesim për bebën. Mund të keni mendime për t’i bërë dëm vetes ose bebes. Shumë rrallë, nënat e reja zhvillojnë diçka edhe më të rëndë. Ata mund të kenë halucinacione ose të përpiqen t’i bëjnë dëm vetes ose bebes. Ata kanë nevojë të marrin trajtim menjëherë, shpesh në spital.
Depresioni pas lindjes mund të fillojë në çdo kohë brenda vitit të parë pas lindjes. Shkaku është i panjohur. Ndryshimet hormonale dhe fizike pas lindjes dhe stresi i kujdesit për një bebë të re mund të luajnë rol. Gratë që kanë pasur depresion janë në rrezik më të lartë.
Nëse mendoni se keni depresion pas lindjes, njoftoni ofruesin tuaj të kujdesit shëndetësor. Medikamentet, përfshirë antidepresantët, dhe terapia e bisedës mund t’ju ndihmojnë të shëroheni.
Departamenti i Shëndetësisë dhe Shërbimeve Njerëzore, Zyra për Shëndetin e Grave
Burimi: Postpartum Depression. Faleminderit MedlinePlus, National Library of Medicine.