Shumica e vajzave adoleshente nuk planifikojnë të mbeten shtatzëna, por shumë prej tyre mbeten. Shtatzënitë në moshë të re sjellin rreziqe shtesë shëndetësore si për nënën ashtu edhe për fëmijën. Shpesh, adoleshentet nuk marrin kujdes paranatal mjaftueshëm herët, gjë që mund të çojë në probleme më vonë. Ato kanë një risk më të lartë për presion të lartë gjaku gjatë shtatzënisë dhe komplikacionet e tij. Rreziqet për fëmijën përfshijnë lindjen e parakohshme dhe peshë të ulët lindëse.
Nëse je një adoleshente shtatzënë, mund t’i ndihmosh vetes dhe fëmijës tënd duke:
- Marrë kujdes të rregullt paranatal
- Marrë vitaminat paranatale për shëndetin tënd dhe për të parandaluar disa defekte të lindjes
- Shmangur pirjen e duhanit, alkoolit dhe drogës
- Përdorur prezervativ, nëse je duke bërë seks, për të parandaluar infeksionet seksualisht të transmetueshme (IST) që mund t’i dëmtojnë fëmijës. Nëse ti ose partneri yt jeni alergjikë ndaj lateksit, mund të përdorni prezervativë poliuretani.
Burimi: Teenage Pregnancy. Faleminderit MedlinePlus, National Library of Medicine.