Fobia është një lloj çrregullimi ankthi. Ajo është një frikë e fortë dhe jo racionale ndaj diçkaje që paraqet rrezik të vogël ose aspak.
Ekzistojnë shumë fobia specifike. Acrofobia është frika nga lartësitë. Agorafobia është frika nga vendet publike, dhe klauastrofobia është frika nga hapësirat e mbyllura. Nëse bëheni të shqetësuar dhe jashtëzakonisht vetëdijshëm në situata të përditshme sociale, mund të keni një fobi sociale. Fobiat e tjera të zakonshme përfshijnë tunelet, drejtimin në autostradë, ujin, fluturimin, kafshët dhe gjakun.
Njerëzit me fobia përpiqen të shmangen nga ajo çka i frikëson. Nëse nuk mund ta bëjnë këtë, ata mund të përjetojnë:
- Panik dhe frikë
- Rrahje të shpejta të zemrës
- Frymëmarrje të shkurtër
- Dridhje
- Dëshirë të fortë për t’u larguar
Fobiat zakonisht fillojnë te fëmijët ose adoleshentët dhe vazhdojnë deri në moshë të rritur. Shkaqet e fobive specifike nuk janë të njohura, por ndonjëherë ato trashëgohen në familje.
Trajtimi ndihmon shumicën e njerëzve me fobia. Opsionet përfshijnë ilaçe, terapi ose të dyja.
NIH: Instituti Kombëtar i Shëndetit Mendor
Burimi: Phobias. Faleminderit MedlinePlus, National Library of Medicine.