Epilepsia është një çrregullim i trurit që i bën njerëzit të përjetojnë sulme të përsëritura. Sulmet ndodhin kur grupe qelizash nervorë, ose neuronesh, në tru dërgojnë sinjale të gabuara. Njerëzit mund të përjetojnë ndjesi dhe emocione të çuditshme ose të sillen në mënyrë të pazakontë. Ata mund të kenë spazma të dhunshme muskulore ose të humbin vetëdijen.
Epilepsia ka shumë shkaqe të mundshme, përfshirë sëmundjen, dëmtimin e trurit dhe zhvillimin jo normal të trurit. Në shumë raste, shkaku mbetet i panjohur.
Mjekët përdorin skanime të trurit dhe teste të tjera për të diagnostikuar epilepsinë. Është e rëndësishme të fillojë trajtimi menjëherë. Nuk ka kurë për epilepsinë, por ilaçet mund të kontrollojnë sulmet për shumicën e njerëzve. Kur ilaçet nuk funksionojnë mirë, kirurgjia ose pajisjet e implantuar si stimulatorët e nervit vagus mund të ndihmojnë. Dieta speciale mund të ndihmojë disa fëmijë me epilepsi.
NIH: Instituti Kombëtar i Çrregullimeve dhe Goditjeve Neurologjike
Burimi: Epilepsy. Faleminderit MedlinePlus, National Library of Medicine.