Çfarë janë terapitë plotësuese dhe alternative për kujdesin ndaj kancerit?
Ju keni shumë zgjedhje për t’u bërë rreth trajtimit tuaj të kancerit. Një zgjedhje që mund të konsideroni është përdorimi i mjekësisë plotësuese dhe alternative (CAM). CAM është termi për produktet dhe terapitë mjekësore që nuk janë pjesë e kujdesit mjekësor standard.
CAM për trajtimin e kancerit përfshin kujdesin për mendjen, trupin dhe shpirtin tuaj. Disa metoda përqendrohen në frymëmarrjen ose lëvizjet e trupit për t’ju ndihmuar të relaksoheni. Terapitë e tjera të CAM-it mund të përdorin ushqime të veçanta, plotësues, ose dieta. Shembuj të terapive CAM përfshijnë akupunkturën, kiropraktikën dhe bimët mjekësore.
Pretendimet e CAM-it mund të dëgjohen premtuese, por shpesh, hulumtuesit nuk dinë sa të sigurta janë disa prej tyre ose sa mirë funksionojnë. Studimet janë në vazhdim për të zbuluar sigurinë dhe dobinë e shumë prej këtyre metodave.
Si përdoren terapitë plotësuese dhe alternative për kujdesin ndaj kancerit?
Nëse po mendoni të përdorni CAM-in bashkë me kujdesin tuaj standard, quhet mjekësi integrative. Disa metoda, si akupunktura, mund të ndihmojnë me nauzenë, dhimbjen dhe efekte të tjera anësore të trajtimit të kancerit.
Disa arsye pse njerëzit me kancer mund të përdorin CAM-in përfshijnë:
- Të ndihmojnë në përballimin e efekteve anësore të trajtimeve të kancerit
- Të lehtësojnë shqetësimet rreth trajtimit të kancerit dhe stresit përkatës
- Të ndjehen se po bëjnë diçka më shumë për të ndihmuar kujdesin e tyre
Trajtimet e CAM-it nuk funksionojnë për të gjithë. Disa produkte mund të ndërveprojnë me barnat tuaja të tjera. Flisni me ofruesin tuaj të kujdesit shëndetësor rreth të gjitha llojeve të ndryshme të trajtimit që përdorni. Ofruesit juaj mund t’ju ndihmojë të siguroheni se gjithçka që përdorni për kujdesin ndaj kancerit punon mirë bashkë.
NIH: Instituti Kombëtar i Kancerit
Informacioni i dhënë këtu nuk duhet përdorur gjatë ndonjë urgjence mjekësore ose për diagnostikimin apo trajtimin e ndonjë gjendjeje mjekësore. Një profesionist i licensuar mjekësor duhet të konsultohet për diagnostikimin dhe trajtimin e çdo dhe të gjitha kushteve mjekësore. Lidhjet me sajte të tjera jepen vetëm për informacion - ato nuk përbëjnë aprovime të atyre sajteve të tjera. Nuk bëhet asnjë garanci e çfarëdo lloji, as e shprehur dhe as e nënkuptuar, sa i përket saktësisë, besueshmërisë, kohës ose korrektësisë së ndonjë përkthimi të bërë nga një shërbim i palës së tretë i informacionit të dhënë këtu në ndonjë gjuhë tjetër.
