Barna për Presionin e Gjakut

Çfarë është presioni i lartë i gjakut?

Presioni i lartë i gjakut, i quajtur gjithashtu hipertension, ndodh kur gjaku ushtron shumë presion kundër mureve të arterieve tuaja. Gati gjysma e të rriturve amerikanë kanë presion të lartë gjaku, zakonisht pa simptoma. Por mund të shkaktojë probleme serioze si goditje në tru, dështim të zemrës, sulm në zemër, dhe sëmundje të veshkave.

Çfarë ndryshimesh në stil jetese mund të ndihmojnë në uljen e presionit të lartë të gjakut?

Ndryshimet e shëndetshme në stil jetese mund të ndihmojnë në uljen e presionit të lartë të gjakut:

• Humbja në peshë
• Të jesh fizikisht aktiv
• Menaxhimi i stresit
• Reduktimi i kripës në dietën tuaj
• Shmangja e alkoolit, duhanit, dhe drogave të paligjshme
• Gjumi i mjaftueshëm

Çfarë ndodh nëse ndryshimet në stil jetese vetëm nuk e ulin presionin e gjakut?

Ndonjëherë ndryshimet në stil jetese vetëm nuk mund të kontrollojnë ose ulin presionin tuaj të lartë të gjakut. Në atë rast, ofruesi juaj i kujdesit shëndetësor mund të përshkruajë ilaçe për presionin e gjakut.

Si veprojnë ilaçet e presionit të gjakut?

Ilaçet e përdorura më shpesh për presionin e gjakut veprojnë në mënyra të ndryshme për ta ulur atë:

• Inhibitorët e enzimës së kthimit të angiotensit (ACE) dhe bllokuesit e receptorëve të angiotensit II (ARBs) pengojnë ngushtimin e enëve të gjakut dhe lejojnë lëvizjen e gjakut me presion më të ulët.
• Beta bllokuesit ndihmojnë zemrën të rrahë më ngadalë dhe me forcë më të vogël. Kjo do të thotë se zemra juaj pompOn më pak gjak nëpër enët e gjakut. Beta bllokuesit zakonisht përdoren vetëm si opsion rezervë ose nëse keni edhe disa kushte të tjera.
• Bllokuesit e kanaleve të kalciumit pengojnë hyrjen e kalciumit në qelizat muskulore të zemrës dhe enëve të gjakut. Kjo lejon relaksimin e enëve të gjakut.
• Diuretikët largojnë ujin dhe kripën shtesë nga trupi juaj. Kjo ul sasinë e lëngjeve në gjak. Diuretikët shpesh përdoren me ilaçe të tjera për presionin e lartë të gjakut, ndonjëherë në një pilulë të kombinuar.

Shpesh, dy ose më shumë ilaçe veprojnë më mirë se një. Nëse këto ilaçe nuk e ulin mjaftueshëm presionin tuaj të gjakut, ofruesit juaj mund t’ju sugjerojë të merrni një lloj tjetër ilaçi për presionin e gjakut.

Ndërsa i merrni ilaçet, është ende e rëndësishme të vazhdoni me ndryshimet tuaja të shëndetshme në stil jetese. Bërja e të dyjave ndihmon në mbajtjen e presionit të gjakut më të ulët sesa vetëm ndryshimet në stil jetese ose vetëm ilaçet.

NIH: Instituti Kombëtar i Zemrës, Mushkërive dhe Gjakut