Keqpërdorimi i Barnave me Recetë

Çfarë është kepërdorimi i barnave me recetë?

Nëse merrni një ilaç në një mënyrë të ndryshme nga ajo që ju ka përshkruar ofruesit i kujdesit shëndetësor, quhet kepërdorim i barnave me recetë. Mund të jetë:

• Marrja e ilaçit të përshkruar për dikë tjetër.
• Marrja e një doze më të madhe nga ajo që ju takon.
• Marrja e ilaçit në një mënyrë të ndryshme nga ajo që ju takon. Për shembull, në vend që t’i gëlltisni tabletat, mund t’i thoni dhe pastaj t’i tërhiqni ose t’i injektoni.
• Përdorimi i ilaçit për një qëllim tjetër, si për t’u dehur.

Kepërdorimi i disa barnave me recetë mund të çojë në varësi. Këtu përfshihen opiodet, qetësuesit, trankuilantët dhe stimulantët. Varësia nga droga është një sëmundje kronike e trurit. Ajo bën që një person të marrë në mënyrë të përsëritur drogë pavarësisht dëmit që ajo shkakton.

Kush rrezikohet nga kepërdorimi i barnave me recetë?

Kepërdorimi i barnave me recetë mund të prekë këdo në çdo moshë, duke përfshirë adoleshentët dhe të rriturit e moshuar. Mund të ndodhë nëse ju nevojiten disa ilaçe për të trajtuar një gjendje mjekësore, për të zbutur dhimbjen pas një lëndimi ose operacioni, ose për dhimbje kronike.

Faktorët e rrezikut mund të përfshijnë:

• Mungesë njohurish rreth barnave me recetë dhe rreziqeve të mundshme
• Një varësi e mëparshme nga substancat e tjera, duke përfshirë alkoolin dhe duhanin
• Disa gjendje shëndetësore mendore

Cilat janë rreziqet e kepërdorimit të barnave me recetë?

Kepërdorimi i barnave me recetë mund të ketë pasoja të rënda mjekësore. Çdo ilaç ka disa rreziqe të efekteve anësore, të cilat ofruesit i marrin parasysh kur përshkruajnë ilaçe. Personat që i keqpërdorin këto barna mund të mos jenë në dijeni të rreziqeve. Disa ilaçe mund të mos jenë të sigurta për ta, veçanërisht në doza më të larta ose kur merren bashkë me ilaçe të tjera.

Cilat janë trajtimet për kepërdorimin e barnave me recetë?

Trajtimi i kepërdorimit të barnave me recetë shpesh përfshin ilaçe dhe këshillim, por varet nga lloji i drogës dhe nevojat tuaja.

Këshillimi mund të jetë individual, familjar dhe/ose në grup. Ai mund t’ju ndihmojë të:

• Kuptoni pse filloi kepërdorimi i barnave me recetë
• Mësoni si të ndryshoni modelet e pashëndetshme të mendimit dhe sjelljes
• Menaxhoni problemet personale dhe zhvilloni marrëdhënie pozitive
• Mësoni si të menaxhoni dëshirat dhe të shmangni situatat që mund të çojnë në rikthim

Ndalimi ose pakësimi i barnave me recetë të përdorura për një kohë mund të shkaktojë simptoma të ndryshme për droga të ndryshme. Kjo quhet tërheqje. Ofruesit juaj do të punojë me ju për t’i menaxhuar simptomat ndërsa trupi juaj mëson të jetë pa ilaçin.

Si mund të parandaloj problemet me marrjen e barnave me recetë?

Ofruesit dhe farmacistët luajnë një rol në parandalimin ose pakësimin e kepërdorimit të barnave me recetë, por edhe ju mund të ndërmerrni hapa për të pakësuar rrezikun tuaj.

Disa mënyra për të ndihmuar në pakësimin e rrezikut dhe sigurimin se po i përdorni saktë barna me recetë përfshijnë:

• Bisedoni me ofruesin tuaj rreth çdo ilaçi tjetër me recetë, ilaçeve pa recetë dhe shtesave që po i merrni për të parë nëse është e sigurt ta merrni barnat me recetë bashkë me to.
• Ndiqni me kujdes udhëzimet dhe merrni ilaçet sipas përshkrimit. Nëse po merrni barna me recetë për dhimbje dhe nuk po funksionojnë, mos ndaloni ose ndryshoni sasinë pa biseduar me ofruesin tuaj.
• Nëse ofruesit juaj ju përshkruan opioide, pyesni rreth rreziqeve dhe përfitimeve të marrjes së ilaçit dhe nëse mund të përdoret një ilaç tjetër me më pak rrezik varësie.

NIH: Instituti Kombëtar mbi Abuzimin e Drogës

Burimi: Prescription Drug Misuse. Faleminderit MedlinePlus, National Library of Medicine.