Sindromi Reye është një sëmundje e rrallë që mund të prekë gjakun, mëlçinë dhe trurin e dikujt që kohët e fundit ka pasur një infeksion viral. Ajo gjithmonë vjen pas një sëmundjeje tjetër. Edhe pse prek kryesisht fëmijët dhe adoleshentët, çdokush mund ta marrë. Mund të zhvillohet shpejt dhe pa paralajmërim. Është më e zakonshme gjatë stinës së gripit. Simptomat përfshijnë:
- Nauze dhe vjosje
- Paaftësi për t’u përqendruar
- Ndryshim personaliteti – si nervozizëm, agresivitet ose konfuzion
- Delir
- Konvulsione
- Humbje vetëdije
Nëse këto simptoma ndodhin së shpejti pas një sëmundjeje virale, kërkoni menjëherë ndihmë mjekësore. Sindromi Reye mund të çojë në koma dhe vdekje cerebrale, prandaj diagnostikimi dhe trajtimi i shpejtë janë thelbësorë. Trajtimi përqendrohet në parandalimin e dëmtimit cerebral. Nuk ka kurë.
Shkaku i sindromit Reye është i panjohur. Studimet kanë treguar se marrja e aspirinës rrit rrezikun e marrjes së tij. Për shkak të kësaj, profesionistët e kujdesit shëndetësor tani rekomandojnë barna të tjera kundër dhimbjes për pacientët e rinj.
NIH: Instituti Kombëtar i Çrregullimeve Neurologjike dhe Goditjes
Burimi: Reye Syndrome. Faleminderit MedlinePlus, National Library of Medicine.