Të qenit adoleshent është i vështirë. Je nën presion për t’u pëlqyer, për të ecur mirë në shkollë, për t’u përballur me familjen dhe për të marrë vendime të mëdha. Nuk mund t’i shmangësh shumicën e këtyre presioneve, dhe shqetësimi për to është normal. Por të ndihesh shumë i trishtuar, pa shpresë ose i pavlerë mund të jenë shenja paralajmëruese të një problemi shëndetësor mendor.
Problemet e shëndetit mendor janë të vërteta, të dhimbshme dhe ndonjëherë të rënda. Mund t’ju duhet ndihmë nëse keni shenjat e përmendura më sipër, ose nëse:
- Ndjeheni shpesh shumë i zemëruar ose shumë i shqetësuar
- Ndjeni zi për një kohë të gjatë pas një humbjeje ose vdekjeje
- Mendoni se mendja juaj është e kontrolluar ose jashtë kontrollit
- Përdorni alkool ose drogë
- Stërviteni, bëni dieta dhe/ose hani në mënyrë obsesive
- Lëndoni njerëz të tjerë ose shkatërroni pronë
- Bëni gjëra të pakujdesshme që mund t’ju dëmtojnë ju ose të tjerët
- Ndjeheni të depresuar (të trishtuar dhe pa shpresë)
Problemet e shëndetit mendor mund të trajtohen. Për të gjetur ndihmë, flisni me prindërit tuaj, këshilluesin e shkollës ose ofruesin e kujdesit shëndetësor.
Burimi: Teen Mental Health. Faleminderit MedlinePlus, National Library of Medicine.