Proteina ndodhet në çdo qelizë të trupit. Trupat tanë kanë nevojë për proteinë nga ushqimet që hamë për të ndërtuar dhe mbajtur kockat, muskujt dhe lëkurën. Ne marrim proteina në dietën tonë nga mishi, produktet e qumështit, arrat dhe disa drithëra dhe fasule. Proteina nga mishi dhe produktet e tjera shtazore janë proteina të plota. Kjo do të thotë se ato sigurojnë të gjitha aminoacidet që trupi nuk mund t’i prodhojë vetë. Shumica e proteinave bimore janë të paplota. Ju duhet të hani lloje të ndryshme proteinash bimore çdo ditë për të marrë të gjitha aminoacidet që trupi juaj ka nevojë.
Është e rëndësishme të merren proteina të mjaftueshme në dietë. Ju duhet të hani proteinë çdo ditë, sepse trupi juaj nuk i ruan ato në mënyrën se si i ruan yndyrat ose karbohidratet. Sasia që ju nevojitet varet nga mosha, gjinia, shëndeti dhe niveli i aktivitetit fizik. Shumica e amerikanëve hanë proteina të mjaftueshme në dietën e tyre.
Burimi: Dietary Proteins. Faleminderit MedlinePlus, National Library of Medicine.