Malaria është një sëmundje e rëndë e shkaktuar nga një parazit. E merrni kur ju kafshon një mushkonjë e infektuar. Malaria është një shkak kryesor i vdekjes në shkallë botërore, por thuajse është zhdukur në Shtetet e Bashkuara. Sëmundja është kryesisht problem në vendet në zhvillim me klimë të ngrohtë. Nëse udhëtoni në këto vende, jeni në rrezik. Ekzistojnë katër lloje të ndryshme malarie të shkaktuara nga katër parazitë të lidhur. Lloji më vdekjeprurës ndodh në Afrikën në jug të Shkretëtirës së Saharës.
Simptomat e malaries përfshijnë dridhje, simptoma të ngjashme me gripin, ethe, të vjellura, diarre dhe verdhëzë. Një analizë gjaku mund ta diagnostikojë atë. Mund të jetë kërcënuese për jetën. Megjithatë, mund ta trajtoni malarinë me ilaçe. Lloji i ilaçit varet nga lloji i malaries që keni dhe ku jeni infektuar.
Malaria mund të parandalohet. Kur udhëtoni në zona ku gjendet malaria:
- Vizitoni mjekun për ilaçe që ju mbrojnë
- Vini mbrojës kundër insekteve me DEET
- Mbulohuni
- Flini nën rrjetë kundër mushkonjave
Qendrat për Kontrollin dhe Parandalimin e Sëmundjeve
Burimi: Malaria. Faleminderit MedlinePlus, National Library of Medicine.