Kolera është një infeksion bakterial që shkakton diare. Bakteria e kolerasë zakonisht gjendet në ujë ose ushqim të ndotur nga feçet. Kolera është e rrallë në SHBA. Mund ta merrni nëse udhëtoni në zona të botës me trajtim të dobët të ujit dhe kanalizimeve. Shpërthime mund të ndodhin edhe pas fatkeqësive. Sëmundja me gjasë nuk përhapet direkt nga personi te personi.
Infeksionet e kolerasë shpesh janë të lehta. Disa njerëz nuk kanë fare simptoma. Nëse shfaqni simptoma, ato zakonisht fillojnë 2-3 ditë pas infeksionit. Simptoma më e zakonshme është diare me ujë.
Në disa raste, infeksioni mund të jetë i rëndë, duke shkaktuar shumë diare me ujë, të vjella dhe dhembje të këmbëve. Nga shkaku se humbni shpejt lëngjet e trupit, jeni në rrezik nga dehidratimi dhe goditja. Pa trajtim, mund të vdisni brenda disa orëve. Nëse mendoni se mund të keni kolera, duhet të kërkoni menjëherë kujdes mjekësor.
Mjekët diagnostikojnë koleran përmes një mostre jashtëqitjeje ose tamponi rektal. Trajtimi konsiston në zëvendësimin e lëngjeve dhe kripërave të humbura përmes diarresë. Zakonisht bëhet me tretësirë rehidratimi që pihet. Personat me raste të rënda mund të kenë nevojë për rrugë intravenoze për zëvendësimin e lëngjeve. Disa prej tyre mund të kenë nevojë edhe për antibiotikë. Shumica e njerëzve të cilët marrin menjëherë zëvendësim lëngjesh do të shërohen.
Ekzistojnë vaksina për parandalimin e kolerasë. Një prej tyre është në dispozicion për të rriturit në SHBA. Shumë pak amerikanë kanë nevojë për të, sepse shumica e njerëzve nuk vizitojnë zona me shpërthim aktiv të kolerasë.
Ekzistojnë gjithashtu hapa të thjeshtë që mund t’i ndërmerrni për të parandaluar infeksionin e kolerasë:
- Përdorni vetëm ujë të ambalazhuar ose të pastruar për të pirë, larë enë, bërë kubë akulli dhe larë dhëmbët
- Nëse përdorni ujë nga çezma, ziejeni ose përdorni tableta jodi
- Lajini duart shpesh me sapun dhe ujë të pastër
- Sigurohuni që ushqimi i gatuar të jetë plotësisht i zier dhe të servohet i nxehtë
- Shmangni frutat dhe perimet e papërpunuara të palara ose të paqëruara
Qendrat për Kontrollin dhe Parandalimin e Sëmundjeve
Burimi: Cholera. Faleminderit MedlinePlus, National Library of Medicine.
Informacioni i dhënë këtu nuk duhet përdorur gjatë ndonjë urgjence mjekësore ose për diagnostikimin apo trajtimin e ndonjë gjendjeje mjekësore. Një profesionist i licensuar mjekësor duhet të konsultohet për diagnostikimin dhe trajtimin e çdo dhe të gjitha kushteve mjekësore. Lidhjet me sajte të tjera jepen vetëm për informacion - ato nuk përbëjnë aprovime të atyre sajteve të tjera. Nuk bëhet asnjë garanci e çfarëdo lloji, as e shprehur dhe as e nënkuptuar, sa i përket saktësisë, besueshmërisë, kohës ose korrektësisë së ndonjë përkthimi të bërë nga një shërbim i palës së tretë i informacionit të dhënë këtu në ndonjë gjuhë tjetër.
