Çfarë janë viruset?
Viruset janë mikrobe shumë të vegjël. Ata janë të përbërë nga materiali gjenetik (qoftë ADN ose ARN) brenda një mbështjellësi proteine. Ka një numër të madh virusesh në tokë. Vetëm një numër i vogël i tyre mund të infektojnë njerëzit. Ato viruse mund të infektojnë qelizat tona, të cilat mund të shkaktojnë sëmundje. Disa nga sëmundjet që viruset mund të shkaktojnë përfshijnë ftohjen e zakonshme, gripin, COVID-19 dhe HIV-in.
Si përhapen viruset?
Viruset mund të përhapen në mënyra të ndryshme:
- Përmes pilave dhe grimcave që nxirren nga dikush që ka infeksionin. Mund t’i thithni pikat ose grimcat, ose ato mund të bien në gojën, hundën ose sytë tuaj.
- Duke prekur sipërfaqe ose objekte ku ka virus dhe pastaj duke prekur gojën, hundën ose sytë tuaj.
- Nga prindi shtatzënë te fëmija gjatë shtatzënisë.
- Përmes ushqimit ose ujit të ndotur.
- Duke u pickuar nga një insekt ose kafshë e infektuar.
- Përmes kontaktit seksual me dikë që ka infeksionin.
Si shkaktojnë viruset sëmundje?
Viruset janë si grabitës. Ata pushtojnë qelizat normale dhe të gjalla. Pastaj përdorin ato qeliza për t’u shumëfishuar. Ky proces quhet gjithashtu replikim. Ky proces mund të vrasë, dëmtojë ose ndryshojë qelizat e infektuara. Ndonjëherë kjo mund t’ju sëmurë. Simptomat mund të jenë nga të lehta deri shumë të rënda. Herë të tjera, sistemi juaj imunitar mund të luftojë dhe ju mund të mos keni asnjë simptomë.
Çdo virus i ndryshëm zakonisht infekton vetëm një lloj qelize në trupin tuaj. Për shembull, viruset e hepatitit ndikojnë qelizat e mëlçisë. HIV-i infekton një lloj të caktuar qelize të sistemit imunitar.
Cilat janë trajtimet për infeksionet virale?
Për shumicën e infeksioneve virale, trajtimet mund të ndihmojnë vetëm me simptomat ndërsa prisni që sistemi juaj imunitar të luftojë virusin. Ka barna antivirale për të trajtuar disa infeksione virale. Antibiotikët nuk funksionojnë për infeksionet virale.
A mund të parandalohen infeksionet virale?
Vaksinat mund t’ju ndihmojnë të parandaloni shumë sëmundje virale. Ju mund të parandaloni disa infeksione virale duke:
- Larë drejt duart.
- Pasur kujdes ndaj sigurisë ushqimore.
- Pastruar sipërfaqet që mund të jenë të infektuara me mikrobe.
- Shmangur kontaktin me kafshët e egra.
- Parandaluar pickimet e insekteve duke përdorur mjetë kundër insekteve kur dilni jashtë.
- Praktikuar marrëdhënie seksuale të sigurta.
- Shmangur kontaktin e ngushtë me njerëzit e sëmurë.
Burimi: Viral Infections. Faleminderit MedlinePlus, National Library of Medicine.
Informacioni i dhënë këtu nuk duhet përdorur gjatë ndonjë urgjence mjekësore ose për diagnostikimin apo trajtimin e ndonjë gjendjeje mjekësore. Një profesionist i licensuar mjekësor duhet të konsultohet për diagnostikimin dhe trajtimin e çdo dhe të gjitha kushteve mjekësore. Lidhjet me sajte të tjera jepen vetëm për informacion - ato nuk përbëjnë aprovime të atyre sajteve të tjera. Nuk bëhet asnjë garanci e çfarëdo lloji, as e shprehur dhe as e nënkuptuar, sa i përket saktësisë, besueshmërisë, kohës ose korrektësisë së ndonjë përkthimi të bërë nga një shërbim i palës së tretë i informacionit të dhënë këtu në ndonjë gjuhë tjetër.
