Herpes gjenitale është një infeksion seksualisht i transmetueshëm (IST) i shkaktuar nga një virus herpes simplex (HSV). Mund të shkaktojë plagë në zonën gjenitale ose rektale, në viset e poshtme dhe në kofshë. Mund ta merrni nga marrëdhëniet vaginale, anale ose gojore me dikë që e ka. Virusi mund të përhapet edhe kur nuk ka plagë. Nënat gjithashtu mund t’i infektojnë foshnjat gjatë lindjes.
Simptomat e herpes quhen shpërthime. Zakonisht merrni plagë pranë zonës ku virusi ka hyrë në trup. Plagët janë flluska të cilat çahen dhe bëhen të dhimbshme, dhe pastaj shërohen. Disa herë njerëzit nuk e dinë se kanë herpes sepse nuk kanë simptoma ose kanë simptoma shumë të lehta. Virusi mund të jetë më serioz tek bebet e porsalindur ose tek personat me sistem imunitar të dobët.
Shpërthimet e përsëritura janë të zakonshme, veçanërisht gjatë vitit të parë. Me kalimin e kohës, i merrni më rrallë dhe simptomat bëhen më të lehta. Virusi qëndron në trupin tuaj përgjithmonë.
Ekzistojnë teste që mund të diagnostikojnë herpes gjenitale. Nuk ka kurë. Megjithatë, medikamentet mund të ndihmojnë në zbutjen e simptomave, pakësimin e shpërthimeve dhe uljen e rrezikut të përhapjes së virusit tek të tjerët. Përdorimi i saktë i prezervativëve të lateksit mund të reduktojë, por jo të eliminojë, rrezikun e marrjes ose përhapjes së herpes. Nëse ju ose partneri juaj jeni alergjikë ndaj lateksit, mund të përdorni prezervativë poliuretani. Mënyra më e sigurt për të shmangur infeksionin është të mos kryeni marrëdhënie anale, vaginale ose gojore.
Burimi: Genital Herpes. Faleminderit MedlinePlus, National Library of Medicine.
Informacioni i dhënë këtu nuk duhet përdorur gjatë ndonjë urgjence mjekësore ose për diagnostikimin apo trajtimin e ndonjë gjendjeje mjekësore. Një profesionist i licensuar mjekësor duhet të konsultohet për diagnostikimin dhe trajtimin e çdo dhe të gjitha kushteve mjekësore. Lidhjet me sajte të tjera jepen vetëm për informacion - ato nuk përbëjnë aprovime të atyre sajteve të tjera. Nuk bëhet asnjë garanci e çfarëdo lloji, as e shprehur dhe as e nënkuptuar, sa i përket saktësisë, besueshmërisë, kohës ose korrektësisë së ndonjë përkthimi të bërë nga një shërbim i palës së tretë i informacionit të dhënë këtu në ndonjë gjuhë tjetër.
