Gërhitja është zhurma që krijoni kur frymëmarrja juaj është e bllokuar ndërsa jeni duke fjetur. Ky zë shkaktohet nga indet në majë të rrugës suaj të frymëmarrjes që përplasen me njëra-tjetrën dhe dridhen. Gërhitja është e zakonshme, veçanërisht te njerëzit e moshuar dhe ata me tepër peshë.
Kur është e rëndë, gërhitja mund të shkaktojë zgjime të shpeshta gjatë natës dhe përgjumje gjatë ditës. Ajo mund t’i prishë gjumin partnerit tuaj në shtrat. Gërhitja gjithashtu mund të jetë shenjë e një çrregullimi të rëndë të gjumit të quajtur apnea e gjumit. Ju duhet të konsultoheni me ofruesin tuaj të kujdesit shëndetësor nëse jeni shpesh të lodhur gjatë ditës, nuk ndiheni se flini mirë, ose zgjoheni duke marrë frymë me vështirësi.
Për të pakësuar gërhitjen:
- Humbni peshë nëse jeni mbipeshë. Kjo mund të ndihmojë, por edhe njerëzit e dobët mund të gërhijnë.
- Pakësoni ose shmangni alkoolin dhe qetësuesit e tjerë para gjumit
- Mos flini plotësisht shpinëmbrapa
NIH: Instituti Kombëtar i Plakjes
Burimi: Snoring. Faleminderit MedlinePlus, National Library of Medicine.