Kliko këtu për më shumë rreth Sklerozës Multiple – nga Shoqata e Neurologjisë së Kosoves.
Diagnostikimi i sklerozës multiple duhet të merret parasysh kur paraqitja klinike sugjeron dëmtim demielinizues fokal ose multifokal të sistemit nervor qendror.
Pacienti tipik është një i rritur i ri që paraqitet me një ose më shumë episode klinikisht të dallueshme të disfunksionit të sistemit nervor qendror, si neuriti optik (shpjegimi ne tabelen poshte), simptoma apo shenja të traktit të gjatë, sindroma e trungut të trurit ose sindroma e palcës kurrizore, të ndjekura nga të paktën një përmirësim i pjesshëm. Simptomat zakonisht zhvillohen gradualisht për disa orë ose ditë dhe më pas zbuten gjatë javëve ose muajve në vijim, edhe pse përmirësimi mund të mos jetë i plotë. Shenjat dhe simptomat e paraqitjes mund të jenë monofokale (në përputhje me një lezion të vetëm) ose multifokale (në përputhje me më shumë se një lezion).
Edhe pse nuk ka gjetje klinike që janë unike për MS, disa janë shumë karakteristike:
Shenja qe sugjerojnë diagnozën:
| Shenja | Shpjegimi |
| Permiresime dhe perkeqesime | Episodet vijnë dhe zhduken pjesërisht ose plotësisht |
| Fillimi mes moshës 15 dhe 50 vjeç | Moshë tipike e paraqitjes së MS. |
| Neurit optik | Shikim i turbullt, dhimbje në lëvizje të syrit. |
| Shenja e Lhermitte | Ndjesi elektrike poshtë shtyllës kur përkulesh. |
| Oftalmoplegji internukleare | Lëvizje jo e sinkronizuar e syve. |
| Lodhje | Simptomë shumë e zakonshme dhe e vazhdueshme. |
| Ndjeshmëri ndaj nxehtësisë (fenomeni i Uhthoff) | Përkeqësim i simptomave kur rritet temperatura. |
Shenja atipike
| Përparim i vazhdueshëm |
| Fillimi para moshës 10 ose pas moshës 50 vjeç |
| Deficite kortikale si afazi, apraksi, aleksi ose neglizhencë |
| Rigiditet ose distoni e qëndrueshme |
| Konvulsione |
| Dementie e hershme |
| Deficit që zhvillohet brenda minutave |
Diagnostikimi i MS është relativisht i thjeshtë te pacientët që paraqiten me simptoma të qarta dhe gjetje tipike në rezonancën magnetike (MRI), duke ndjekur një ecuri relapsuese-remituese. Te disa pacientë, skleroza multiple mund të diagnostikohet që në episodin e parë, bazuar në të dhënat klinike, ato të MRI-së dhe/ose të lëngut cerebrospinal, sipas kritereve të McDonald.
Forma primare progresive e MS përfaqëson një mënyrë paraqitjeje dhe ecurie me përkeqësim gradual neurologjik dhe shtim të paaftësisë, si p.sh. spastik paraparëzë ose ataksi cerebelare. Kjo formë shihet në afërsisht 10 deri në 15 për qind të pacientëve me MS.