Pastrimi, Dizinfektimi dhe Sanitizimi

Ku gjenden mikrobet?

Mikrobet janë pjesë e jetës së përditshme. Disa prej tyre janë të dobishme, por të tjerët janë të dëmshëm dhe shkaktojnë sëmundje. Ato mund të gjenden kudo – në ajrin tonë, tokë dhe ujë. Ato janë në lëkurën dhe në trupin tonë. Mikrobet gjenden gjithashtu në sipërfaqet dhe objektet që ne i prekrim.

Ndonjëherë këto mikrobe mund të përhapen te ju dhe t’ju sëmurin. Për shembull, mund të ketë mikrobe në një telekomandë TV-je. Ju mund të infektoheni me mikrobet nëse e prekni telekomandën dhe pastaj fërkoni sytë ose hundën ose hani me duar.

Si mund t’i shmangem mikrobeve nga sipërfaqet dhe objektet?

Për të shmangur infektimin nga mikrobet në sipërfaqe dhe objekte, është e rëndësishme të lani duart shpesh. Por nuk mund t’i lani duart çdo herë që prekni diçka. Prandaj është gjithashtu e rëndësishme të pastroni dhe dezinfektoni rregullisht sipërfaqet dhe objektet.

Cila është diferenca midis pastrimit, sanitizimit dhe dezinfektimit?

Disa njerëz mendojnë se dezinfektimi është e njëjta gjë me pastrimin ose sanitizimin. Por ato në fakt janë të ndryshme:

• Pastrimi heq dheun, pluhurat, copërat dhe mikrobet nga sipërfaqet ose objektet. Kur pastroni, ju përdorni me gjasë sapun (ose detergjent) dhe ujë për të pastruar fizikisht sipërfaqet dhe objektet. Kjo mund të mos i vrasë patjetër mikrobet. Por meqë i hoqët disa prej tyre, ka më pak mikrobe që mund të përhapin infeksionin.
• Dezinfektimi përdor kimikate (dezinfektues) për të vrarë mikrobet në sipërfaqe dhe objekte. Disa dezinfektues të zakonshëm janë tretësirat e klorit dhe alkoolit. Zakonisht ju duhet t’i lini dezinfektuesit në sipërfaqe dhe objekte për një periudhë të caktuar kohe për t’i vrarë mikrobet. Dezinfektimi nuk pastron patjetër sipërfaqet e papastra ose nuk heq mikrobet.
• Sanitizimi mund të bëhet duke pastruar, dezinfektuar ose të dyja. Sanitizimi do të thotë se po ulni numrin e mikrobeve në një nivel të sigurt. Çfarë konsiderohet nivel i sigurt varet nga standardet e shëndetit publik ose kërkesat në vendin e punës, shkollë, etj. Për shembull, ka procedura sanitizimi për restorante dhe objekte të tjera që përgatiten ushqime. Çfarë bëni për të sanitizuar do të ndryshojë në varësi të nevojave tuaja. Ju mund të jeni duke fshirë dyshemenë duke përdorur një fshesë, një kimikat dhe ujë. Ju mund të përdorni një larëse enësh për të sanitizuar enët. Ose mund të përdorni një pecetë antibakteriale në një telekomandë TV-je.

Nëse pastroni dhe dezinfektoni një sipërfaqe ose objekt, mund të ulni më tej rrezikun e përhapjes së infeksionit. Ka produkte që pastrojnë dhe dezinfektojnë në të njëjtën kohë.

Cilat sipërfaqe dhe objekte duhet t’i pastrojë dhe dezinfektoj?

Për të parandaluar përhapjen e infeksionit, ju duhet të pastroni dhe dezinfektoni rregullisht sipërfaqet dhe objektet që preken shpesh. Për shembull, në shtëpinë tuaj, kjo do të përfshinte tavolinat e kuzhinës, dorezat e dyerve, rubinetat dhe dorezat e tualetit, çelësat e dritës, telekomandën dhe lodrat.

Si mund të pastrojë dhe dezinfektoj në mënyrë të sigurt?

Është e rëndësishme të jeni të sigurt kur përdorni produkte pastrimi dhe dezinfektimi:

• Ruajini në enët nga të cilat erdhën. Ndiqni gjithmonë udhëzimet dhe vini re paralajmërimet në etiketë.
• Mos i përzieni pastruesit dhe dezinfektuesit nëse etiketat nuk thonë se është e sigurt ta bëni këtë. Kombinimi i disa produkteve (si klori dhe pastruesit me amoniak) mund të shkaktojë lëndime të rënda ose madje vdekje.
• Shikoni etiketën për të parë nëse ju duhen doreza për të mbrojtur duart dhe/ose mbrojtje për sytë kur përdorni produktet
• Nëse i gëlltisni, i thithni ose i hidhni në lëkurë, ndiqni udhëzimet në etiketë ose kërkoni ndihmë mjekësore
• Ruajini larg fëmijëve

Burimi: Cleaning, Disinfecting, and Sanitizing. Faleminderit MedlinePlus, National Library of Medicine.