Ju keni dy veshka. Ato janë organe me madhësi grushti në të dyja anët e shtyllës kurrizore mbi brezin tuaj. Veshkat tuaja filtrojnë dhe pastrojnë gjakun, duke nxjerrë produktet e mbetura dhe duke prodhuar urinë. Testimet e veshkave kontrollojnë se sa mirë po punojnë veshkat tuaja. Ato përfshijnë testime gjaku, urine, dhe imazherike.
Sëmundja e hershme e veshkave zakonisht nuk ka shenja ose simptoma. Testimi është mënyra e vetme për të ditur si po funksionojnë veshkat tuaja. Është e rëndësishme t’ju bëhen kontrolle për sëmundjen e veshkave nëse keni faktorët kryesorë të rrezikut – diabetin, presionin e lartë të gjakut, sëmundjet e zemrës, ose historik familjar të dështimit të veshkave.
Testet specifike të veshkave përfshijnë:
- Norma e filtrimit glomerular (GFR) – një nga testimet më të zakonshme të gjakut për të kontrolluar sëmundjen kronike të veshkave. Ai tregon se sa mirë po filtrojnë veshkat tuaja.
- Testet e kreatininës në gjak dhe urinë – kontrollojnë nivelet e kreatininës, një produkt mbetjeje që veshkat tuaja e largojnë nga gjaku
- Testi i albuminës në urinë – kontrollon albuminën, një proteinë që mund të kalojë në urinë nëse veshkat janë dëmtuar
- Testet imazherike, si ultrazëri – sigurojnë fotografi të veshkave. Fotografitë ndihmojnë ofruesin e kujdesit shëndetësor të shohë madhësinë dhe formën e veshkave dhe të kontrollojë për diçka të pazakontë.
- Biopsia e veshkave – një procedurë që përfshin marrjen e një copë të vogël indjeje veshke për ekzaminim me mikroskop. Ajo kontrollon shkakun e sëmundjes së veshkave dhe se sa janë dëmtuar veshkat tuaja.
NIH: Instituti Kombëtar i Diabetit dhe Sëmundjeve Tretëse dhe të Veshkave
Burimi: Kidney Tests. Faleminderit MedlinePlus, National Library of Medicine.